ثقافة و فنسياسةفيديو

بالفيديو: السيسي عن: التظاهر، حقوق الإنسان، الشرطة، ويسرا

بالفيديو: حديث السيسي في احتفال الشرطة عن : التظاهر وحقوق الإنسان وتجاوزات الشرطة، ويسرا

إعداد دعاء جمال

التظاهر: إوعى تضيعنا معاك

“كان فى سؤال وجه ليا عن الحريات والديمقراطية ، من أحد  وسائل الإعلام وقلتله إحنا فى مصر، وبقولها ليكو كلكم ولكل إلى بيسمعو:  مصر فيها 90 مليون والـ90 مليون دول مش هيبطلوا يعيشوا حياتهم لو المظاهرة قامت، أنا مش بقول إن المظاهرة دى مرفوضه، أبداً، أنا بس بتكلم إن احنا حطينا موضوع التظاهر وأدينالوا مكانة مقدرة، ولكن ال90 مليون دول عايزين ياكلو وعايزين يشربوا وعايزين يطمنوا على بكرة بتاعهم ، احنا دوله مواردها مش كتير أوى عشان تقف الدنيا كلها ويبقى عندنا مصدر نصرف منه على الطاقة وعلى المواد الغذائية وعلى الحياة عشان تعيش لما السياحة توقفت تقريباً الأربع سنين إلى فاتوا فقدت مصر ما يقرب من 40 مليار دولار، الخزانة المصرية فقدتهم، مين هيعوض المبلغ ده؟،  أنا بتكلم عن رقم من قطاع واحد، متكلمناش عن الصناعة ومتكلمناش على حاجات أخرى، النقطة دى أنا بطرحها   لينا كلنا، خلى بالك، خلى بالك، وانت بتطالب بحقوقك، خالى بالك، أوعى تضيعنا معاك، أوعى تضيعنا معاك. “

تجاوزات الشرطة : الظروف

“بقول محدش أبداً ضد حقوق الأنسان، بس قولولى، هل ممكن فى ظل الظروف  إلى أحنا فيها ديات، وأنا بقول كمان لرجال الشرطة وهما موجودين قدامى ما يكونش فى تجاوز أثناء الممارسة، لأ هيبقى فى تجاوز، طيب أحنا بنقر التجاوزات، لأ مبنقرهاش، موافق عليها، لا مبنوافقش عليها، إنما عايز أقول أن ده ظرف استثنائى مصر بتعيشه”

حقوق الإنسان : أخبارها إيه؟  

“لماا.. بنلتقى معاا.. الناس إلى يبتكلموا عن حقوق الإنسان، أقولهم، انتم بتكلمونى عن حقوق الإنسان، والله أنا، أنا بحلف بقى، أنا أحرص على حقوق الإنسان من أى حد تانى، مش عشان حد يحاسبنى، لأ، لأن ربنا هيحاسبنا قبل الناس، إنما تعالوا بقا، خوشوا وشوفوا فى ملايين من الأسر يا ترى هما أخبار حقوق الإنسان معاهم أيه؟ ، إلى موجودين، أهلنا المصريين البسطاء إلى موجودين فى مناطق محتاجة إن احنا ندخل فيها ونرفع من شأنها؟، كام، كام فى المية من سكان مصر، واحد فى المية، 10 فى المية، 20 فى المية، 30، 40، عارفين يعنى إيه 40 من 90 مليون، يعنى تقريباً 40 مليون، طب دول حقوقهم فين، محدش جه قالى تعالى نقف جنب منك، فى إن أنت تساهم فى تخفيف الآلام والمظالم للناس دية”

السقا ويسرا: هتتحاسبوا

“انتا بتختزل حقوق البشر فى إنك بس تعبر عن رأيك، مع الوضع فى الاعتبار احنا سايبين كل الناس تقول إلى هي عايزاه، صحيح، لأن احنا محتاجين من تجربتنا تبقى ثرية، لكن بقول تانى لينا كلنا حتى للإعلام، حتى للتليفزيون، للأفلام، للمسلسلات، مين هيتصدى لده، مين هيعمل الوعى ده، يا أستاذ أحمد أنت والأستاذة يسرا، والله هتتحاسبو على ده، أيوه هيتحاسبوا..صحيح. قدموا للناس، يعنى حنا عايزين ندى للناس أمل فى بكرة ونحسن فى قيمنا وأخلاقنا، وده مش هيجى غير بيكوا بصراحة، والكلام ده حقيقى،  فكل قطاع من قطاعات الدولة له دور”

 

،

الحديث كااملا\


مقالات ذات صلة

زر الذهاب إلى الأعلى