الفنانون يدعمون رامي جمال بعد إعلان إصابته بالبهاق والتفكير في الاعتزال
"قالولي شوف بيزنس تاني"
حالة من الدعم قدمها نجوم الفن للفنان رامي جمال عقب إعلانه التفكير في الاعتزال بسبب إصابته بمرض البهاق.
وكان رامي قد أعلن إصابته بمرض البهاق، بعد ظهور بقع بيضاء اللون بمناطق بجسده، وقال عبر فيسبوك: “الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة”.
النجوم يدعمون
وفور نشر جمال رسالته، انهالت التعليقات عليه من النجوم، فقال حمدي الميرغني: “ربنا يشفيك يا رامي ده مش حاجة أصلاً ده الصداع أصعب منه ياخويا الناس كلها بتحبك، وكل ما تشوفني احمد ربنا واعرف إنك في نعمة”.
وعلق المذيع خليل جمال: “تفتكر إن رب البلاء مش رب الفرج والرحمة والصبر؟ ربنا يديك الصحة ويخليك لحبايبك يا رامي، وكل الدنيا معاك وف ضهرك”.
بينما علقت الفنانة لطيفة: “حبيب قلبى يا رامى يا مبدع يا محترم يا مختلف اوعى تفكر كده أول حاجة لازم تقول الحمد الله على كل حاجة ربنا يكتبهالنا، تانى حاجة دى حاجة حصلت لناس كتير واتعالجت منها الحمد الله وبعدين إحنا بنحبك على موهبتك وفنك الرائع وكل جمهورك، وأنا منهم، بنبقى مستنيين جديدك دايما”.
ووجهت زينة، عبر حسابها الشخصي على إنستجرام رسالة الي رامي قائلة: “انسان محترم ربنا يعفوا عنك …للاسف احنا في دنيا مابترحمش والناس بقت صعبه ياريت نحاول يكون في قلوبنا رحمة .
وتابعت قائلة:”انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والناس الرحيمة كتير واعتبرني من أهلك والإنسان بموهبته واحترامه وأخلاقه وبس”.
وقالت الفنانة إيمان العاصي: “حبيبي يا رامي انت أقوي من أي حاجة وفنان وموهوب ونجم وكل ده ولا حاجة قصاد نجاحك وحبك لفنك، ربنا يقدرك على الناس عديمة الإحساس، ربنا يخليلك ناريمان بالدنيا»، وقالت الفنانة إيمي سالم: «كمل واعمل اللي بتحبه واحنا معاك وف ضهرك”.
حرصت الفنانة اللبنانية إليسا، على دعم رامي جمال بعد إعلان إصابته بمرض البهاق، مطالبة إياه بعدم اعتزال الفن بقولها “ممنوع تغيب وممنوع يكون البهاق عذر لغيابك.. إنت بتقول ابتليت بالبهاق، بس مش سبب لتخاف وتغيب”.
ودونت إليسا عبر حسابها الشخصي بـ تويتر: “: “في ناس ابتلت بالكذب والخيانة والسرقة وما هزت، وجودك أساسي ومتل ما إنت بتقول، أصل الحكاية مش حكاية شكل.. حكاية روح”.
التفكير في الاعتزال
وتابع رامي قائلا: “رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي”.
وأضاف: “أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كده، وفكرت في كلامهم بصراحة”.
واختتم رامي حديثه: “لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو”.