بالفيديو: روبي صاحبة السعادة: “الثانوية” أدخلتني الفن.. ويوسف شاهين قال لي: “الرانيات” كتير
زحمة
أجابت روبي أمس عن الكثير من التساؤلات التي أثيرت منذ دخولها المجال الفني في برنامج “صاحبة السعادة” الذي تقدمه الفنانة إسعاد يونس، حيث تحدثت عن أسباب دخولها المجال، اختيار اسمها الفني وسبب توقفها عن الغناء.
اشتغلت في الإعلانات عشان الثانوية العامة: “دخلت المجال عشان دروس ثانوية عامة… المخرجين الخواجات كانوا ياخدوني لكن المصريين كانوا يخلوني ورا.. لما بيكون في مخرج خواجة على طول بيصدرني بطلة إعلان.”
ووجهت الشكر للصحفي البراء أشرف بعد علمها بوفاته من الإعداد: “كتب عني مقال 6 أسباب للحنين إلى روبي.. الوقت ده ماكانش بيجيلي شغل خالص ماعرفش ليه وكان تليفوني ما بيرنش.. وهو اللي لفت نظري إني بحترم الناس وبحترم نفسي وعمرها ما طلعت شاب حضنته ولا موديل حبته بتطلع دايما وحدها في الأغاني كتب عني مقال أنا نفسي معرفش اقول الكلام ده ومعرفش احلله عشان كده كان نفسي أشكره أوي.”
كما كشفت عن اسمها الحقيقي وسبب تغيير يوسف شاهين له: “يوسف شاهين قالي أنا عايز أغير اسمك أعمله اسم فني.. قالي في رانيات كتير، رانيا فريد شوقي، رانيا يوسف.. عايزين اسم فني.. قولتله هتسميني إيه قالي سيبيني يومين بعدين قولتله إيه قالي سحر، فقولتله سحر لأ قالي روبي قولتله حلو روبي.”
وسبب توقفها عن الغناء: “لما بتكون روح الي حواليا كويسة باعرف اقول.. بفتقر للحرفية.. لما تكون روح الي حواليّ مش حلوة ماباديش، مبعرفش عشان كده بطلت، مش عايزة أعمل حفلات.. هاتجه اتجاه تاني خالص”.
وحكت عن حادثة التحرش التي تعرضت لها من عامل نظافة: “ابتسمت ابتسامة امتنان للراجل اللي بيشيل زبالتي.. بعدين لقيت الراجل ورايا”.
غنت روبي عدة أغان في الحلقة منها “انت عارف ليه“
