“لو دفع مليون مصري 800 دولار هانجمع 800 مليون دولار”!
اقترح الإعلامي عمرو أديب فكرة وصفها بـ”الساذجة” لتسديد ديون مصر، وهي أن يدفع كل مواطن قادر 800 دولار (ما يعادل 14 ألف جنيها).
وأشار أديب خلال برنامجه “كل يوم” مساء أمس الإثنين،إلى أن ديون مصر وصلت إلى 80 مليار دولار قائلا” لو كل مواطن مصري فينا دفع 800 دولار هانقدر نسدد ديون مصر”.
وأضاف أديب “ليه الناس اللي تقدر تدفع 800 دولار متدفعهاش؟ لو وزعوا علينا الديون هانقدر، لو أسرة عدد أفرادها خمسة ودفع عن كل فرد ليه ماندفعش؟ إيه المشكلة؟
وقال أديب “الديون دي في النهاية المفروض إنها اتصرفت علينا، أو هاتتصرف علينا. تعالوا نفكر بجد في الفكرة دي، ونشوف مين في مصر يقدر يدفع 800 دولار”.
وتابع أديب “إنت لما تقولي يا عمرو أنا هاخد ضرايبك السنة الجاية وعليها 800 دولار إيه المشكلة؟ والشركات لما تدفع حصيلة ضرائبها بزيادة 800 دولار إيه المشكلة؟ في ناس قادرين في البلد يدفعوا مننا 800 دولار، أنا بتكلم على المصريين القادرين، وتقدر تحسبها بالضرائب، اللي دخله يتعدى رقم معين يدفع الـ800 دولار. ولو مليون واحد دفعوا 800 دولار هانجمع 800 مليون دولار”.
كما اقترح أديب الاستثمار في أراضي مصر المقام عليها سفارات في الخارج، مثل سفارتي مصر في تركيا وفرنسا “بيعه وهات فلوسه واستثمر فيها. الناس بتبيع عادي جدا”.
