فيديو.. سيدة عن معاناتها مع الأسعار: “قلنا تسلم الأيادي كسّحونا”

فيديو.. سيدة عن معاناتها مع الأسعار: “قلنا تسلم الأيادي.. كسّحونا”

زحمة

تداولت مواقع التواصل الاجتماعي فيديو لسيدة تتحدث عن المعاناة نتيجة ارتفاع الأسعار وتدهور الأوضاع. نشر الفيديو على قناة اليوتيوب، شؤون عربية أمس.

وقالت “فاتورة الكهربا وفاتورة الميه بتزيد علينا ليه.. فاتورة الغاز الطبيعي اللي ادوه للمقاطيع بببلاش دلوقتي بيغلوه علينا ليه بادام وصلوهلنا البيوت.. الجيش هيدعم اللحمة.. الجيش هيدعم المجاري.. هو خلاص البلد مابقاش فيها حد غير الجيش.”

ثم تابعت “كل عيل عايز 25 جنيه في اليوم وهو عامل 15 جنيه للفرد وبنزغرد وبنقول تسلم الأيادي وكل عيل بيخرج من البيت عايز له 25 جنيه. والكبار ماصين دمنا أدلهم 50 سنة. النهارده إحنا هنسرق بعض. كل واحد عايز يمد إيده في جيب اللي جنبه وياخد.”

وأضافت أيضًا “كل العالم المذيعين ولا بقت تخش ذمتي بقوطاية مفعصة من دي.. عشان كلهم كدابين ومنافقين وأفاقين وبياخدوا ملايين على قفا الشعب الغلبان ده”.

وأنهت قائلة “مجلس الشعب اللي مترشح في دايرتي قبل ما يبقى عضو في مجلس الشعب كان بيقفل للناس بيبان أرزاقها عشان غني.. قلنا تسلم الأيادي.. كسحونا. مخلينا بس ماشيين مسحولين على الرغيف.”