ثقافة و فن

بالفيديو| إسعاد يونس لمِنّة شلبي “هتتجوّزي إمتى؟”.. والرّد: “ده اللي بيزعجني”

"ربنا كاتب لي الشغل كويس لكن مش كاتب لي جوازة كويسة"

في أثناء استضافة الفنانة إسعاد يونس في برنامجها “صاحبة السعادة” للفنانة منة شلبي، سرعان ما طرحت عليها سؤالا بشأن موعد زواجها قائلة لها: “السؤال اللي كل ما بتروحي حفلة أو مكان بتسأليه، إنتي هتتجوزي إمتى؟”.

ردّت منة شلبي “والله ما أعرف، ده نصيب ومش معاندة ومش واخدة موقف”، مشيرة إلى أن الناس ومن حولها يكررون عليها نفس السؤال: “هتتجوّزي إمتى؟”، مؤكدة “أنا مش عارفة، ممكن يكون ربنا كاتب بي الشغل كويس لكن مش كاتب لي جوازة كويسة”، مشيرة إلى أن “نص بنات مصر بيحصل لها كده، وإن كل حد مش متجوّز، متخرّج أو بيشتغل أو مستقل في حياته أو محقق حاجة، لازم يتسأل السؤال ده، مش هنفرح بيك بقى، مش عاوزة بيبي؟”.

وحينما سألتها إسعاد يونس: “إيه أكتر جمل بتزعجك من الناس؟”، أعربت قائلة “مش هتلحقي تخلفي علشان سن اليأس؟ وأنا شايفة إن دي ما هي إلا مجرد مسميات قاسية في الإنسانية، مافيش امرأة يتقال عليها إنتي بتمر بسن اليأس”.

وبسؤال الفنانة إسعاد لها “تعرفي يعني إيه طيب بيت العدل”، وحينما ردت عليها منة بعدم معرفتها، أجابت عنها إسعاد بأنه “الناس معتقدة أن ده البيت اللي هتتعدل فيه أحوالك وحياتك، وده الموجود في بيت الزوجية بس”.

فردّت عليها منة: “طيب افرضي جوزي طلع وحش؟ أو نصيبه مش كويس، هيبقى عدل إزاي!”، خاتمة قولها في الفيديو إن “كل بنت بتتمنى تحب وتتحب لكن كل شيء نصيب”.

مقالات ذات صلة

زر الذهاب إلى الأعلى