اقتصادسياسة

فيديو..عمرو أديب عن الدولار: بلاش ياميش..رمضان “صلاة وصوم ورز بلبن”

فيديو..عمرو أديب عن الدولار: بلاش ياميش..رمضان صلاة وصوم ورز بلبن

دعا عمرو أديب المصريين إلى التوقف عن شراء ياميش رمضان هذا العام ، بسبب ما ينسب إلى استيراد الياميش من مسؤولية عن التسبب في ارتفاع الدولار من جديد

وواصل الدولار الأمريكي ارتفاعه أمام الجنيه المصري ليتخطى حاجز 17 جنيها اليوم الثلاثاء

وقال أديب خلال برنامجه “كل يوم” على شاة “أون”: أنا سألت عدد ممن الشيوخ، هل الصيام ينفع من غير مكسرات؟ قالولي : أيوة

هوة يحصل ايه السنة دي لو الحكومة قالت السنة دي بلاش سلع رمضان

دي تحويلات المصريين من الخارج زادت الربع، معقول نضيعها في الفزدق والكاجو؟

اللي نفسه في الحاجات دي يخطف رجله لبيروت يجيب الفزق بتاعه

وتابع أديب: البلد في أزمة فللازم ما نتفشخرش، إيه الجنان ده، يا عم اللي عايز الحاجات دي يبعت يجيبها، احنا ما كناش نشوف الشوكولاتة دي غير لما ابويا كان يرجع من لبنان

أنا بقول للسيد محافظ البنك المركزي، الكلام ده ما ينفعش، الناس هاتتبهدل اكتر، بكرة هتيجي وزارة المالية قرار: احنا مش قولنالكم 15.5 الدولار الجمركي، لا 16، وييجي التجار يقولوا زود 40@، انتوا عاملين زي اقتصاد المية ما يتمسكش

احنا رمضان، الشيء المسموح في رمضان هوة الصلاة والصوم واتفرج على مسلسلات ياعم، واعمل رز بلبن.

وبعدين إيجاد السلعة بيخلي الناس تشتكي، يعني يقولك: شفت كيلو قمر الدين بكام السنة دي؟ ما هو لو مفيش السلعة مش هايقول خالص.

مقالات ذات صلة

زر الذهاب إلى الأعلى