فيديو| “دول شوية عوانس”.. أزمات شيرين عبدالوهاب لا تنتهي

أزمات شيرين عبدالوهاب لا تنهي، وبالتالي حديث السوشيال ميديا عنها لا يتوقف بسبب كلامها العفوي، وأخره ما قالته في حفلها بالرياض، مساء الجمعة 29 نوفمبر، وسميت بـ”أزمة العوانس”.

إذ ردت شيرين خلال حفلها الذي أقيم على مسرح الفنان الراحل أبوبكر سالم في منطقة البوليفارد بـ”موسم الرياض”، على من هاجمها قبل أيام لمطالبتها السيدات بالاستماع لكلام الرجال، وفعلوا الهاشتجات ضدها، وقالت: “المرة اللي فاتت زعلوا وعملوا هاشتاج عشان قولت الستات تسمع كلام الرجالة.. طب الرجالة دول عسل وسكر.. مش عارفة إيه اللي مزعلهم.. دول أكيد شوية عوانس”.

وتابعت: “احنا جامدين وحلوين.. أنا من الستات ولا أنا جنس تالت.. أصلهم تضايقوا وخصصوا هاشتاج، ولو عملتوا ساندويشات هاشتاج هأقول اللي أنا عايزاه، خليهم يموتوا بغيظهم”.

شيرين رداً على الهاشتاق: الرجالة دول عسل وسكر ?? #حفلات_موسم_الرياض#mbc1 pic.twitter.com/BNAlsPN5YY

— MBC1 (@mbc1) November 29, 2019

وأصبح هاشتاج #شيرين_في_الرياض الأكثر تداولاً (ترند) على تويتر في مصر والسعودية.

وكانت شيرين قالت في حفلها السابق بالرياض في وقت سابق من الشهر الجاري نوفمبر: “طالما منقدرش نستغني عن الراجل في حياتنا، يبقى نسمع كلامه أحسن”.

تطرق الإعلامي ، عمرو أديب، إلى الجدل الكبير الذي أثارته الفنانة المصرية، شرين عبدالوهاب وما ردت فيه على منتقديها ممن رفض كلامها عن “سماع النساء لكلام الرجال” وإطلاقها وصف “عوانس”.

تابع قائلا: “انا كنت قاعد بتفرج على الحفلة أنا فهمت شيرين عايزة تقول ايه مهو أمي الله يرحمها كانت دايما تقلي الملافظ سعد، انت ممكن تقول حاجة نيتك فيها لطيفة وظريفة بس تستخدم لفظ يبوظ الدنيا وده الي حصل مع شرين مبارح، شرين بتقصد ايه؟ شيرين بتقول انه شيء جميل، أحاول أشرح لحضراتكو هي كانت بتحاول تقول ايه انا مش بدافع عنها ومش بقول انها استخدمت اللفظ صح لأ غلط والطريقة غلط وشيء مهين لستات كتير انا عارف..”