عبدالجليل: انتبهوا يا مشايخ مَن يقول للنصارى أنتم مؤمنون يُضلّلهم
قال الشيخ سالم عبدالجليل مستشار المجلس الأعلى للشؤون الإسلامية، والوكيل السابق لوزارة الأوقاف، إن عقيدة اليهود والنصارى عقيدة فاسدة وضالة، لكن لهم عندنا التعايش والمحبّة والمعاملة الحسنة.
وأضاف عبدالجليل خلال حلقة برنامج “المسلمون يتساءلون” المذاعة مساء أمس الثلاثاء على قناة المحور، أنه “لعلّ المقصود بالآية القرآنية من كفروا بعد إيمانهم يكون اليهود لعلهم بعض النصارى لأنهم آمنوا بموسى وآمنوا بعيسى وكفروا بمحمد، نذكرهم بمحمد، فيقولوا لأ إحنا كده كويسين”.
وواصل عبدالجليل خلال الحلقة التي كانت تناقش التوبة “والله المشايخ اللي بيطلعوا يقولوا للمسيحيين إنت مؤمنين ضللوهم وما خدموهم، هيفرحوهم دلوقتي ويوم القيامة سيقف هؤلاء على الصراط وهيقولوا يا رب فلان ده قال لنا إنتم مؤمنين ضللنا، جايز لو كان قال لنا لأ إنتم غلط كنا فكرنا”.
وتابع عبدالجليل “انتبهوا يا مشايخ اللهم بلّغت اللهمّ فاشهد، يا يهود ويا نصارى إنتم طيبين وبشر وهنعاملكم كويس لكن الفكر اللي إنتم عليه والعقيدة اللي إنتم عليها عقيدة فاسدة، ارجعوا لربكم”.
واسترسل “إنتم أخواتنا ونعيش مع بعض في هذا العالم حتى لو خارج أوطاننا مش بس في الوطن، لكم عندنا المعاملة الحسنة، لكن من حيث العقيدة لازم تعرف كويس إنه لأ، علشان ماتجيش تقول ماحدش قالي، أصل المشايخ قالوا إنتم صح إنتم مؤمنين”.
وأضاف “لما هييجي يوم القيامة اللي كانوا مؤمنين بالمسيحية إيمان صحيح قبل النبي محمد صلى الله عليه وسلم ولما بُعث النبي كفروا، هيتقال لهم إن الذين كفروا بعد إيمانهم ثم ازدادوا كفرًا لما ذكّروا بالرسول محمد كانوا بيزدادوا كفرًا، لن تقبل توبتهم، وعند الحشرجة ينتظرون عيسى الله ليخلصهم فإذا بهم يدركون، مش هيلاقوا سيدنا عيسى مش هيلاقوا غير ملائكة العذاب وملائكة الموت، ساعتها هيبقى عايز يرجع، هيقولوا له خلاص ماعدش ينفع، لن تقبل توبتهم فهؤلاء هم الضالون”.
ويصف الشيخ سالم عبدالجليل نفسه على صفحته الرسمية بأنه عالم أزهري وسطي، داعية إسلامي، باحث أكاديمي، أستاذ جامعي، قيادة دينية.
