بالفيديو.. كلمة السيسي في ذكرى 30 يونيو: “مصر قالتلي اوعوا حد يضحك عليكم”
زحمة
قال الرئيس عبد الفتاح السيسي أمس خلال الاحتفال بذكرى ثورة 30 يونيو بدار الأوبرا المصرية، إن مصر يجب أن تتبوأ مكانتها الحقيقية بالإخلاص في العمل قائلًا “مصر بتقولكم مش عاوزة أتحوج لحد”.
وتابع “مصر بلدنا قالتلي لازم تبلغ الرسالة دي لأهل مصر. مصر بتقولكم كلكم، مصر أمانة في رقابتكم. في رقبة مين؟ كل المصريين. مصر بتقولكم اوعوا حد يضحك عليكم ويخدعكم يا مصريين.. اوعوا حد يخدعكم ويضحك عليكم ويضيع بلادكم. مصر بتقولكم أنا كنت سبب وجودكم لسبع آلاف سنة وبطلب منكم ان انتم تخلوا بالكم مني لكمان 7 آلاف سنة.”
وأضاف السيسي “آخر رسالة، مصر بتقولكم مكاني مش اللي أنا فيه دا.. مكاني مش كدا، بقا أنا برضه حجمي كدا؟ بقا أنا عندكم كدا؟ أنا متحوجش وانتوا هنا. مصر بتقولكم متحوجش. يعني مناكلشي؟ ااه مناكلش. يعني منامشي؟ اه منامشي، لجل هيا تاخد مكانها الحقيقي.”
وأكد في رسالة للمصريين “اسمحولي اقولكم تاني.. اوعوا تضيعوها، اوعوا حد يخدعكم ويضحك عليكم ويحاول يهدها وانتوا موجودين، واخر رسالة دي مش مكانة مصر.”
وتابع “اسمعوا كلامي من فضلكم. أنا بكلمكم كواحد منكم، بحلم زيكم. بحلم، مش من حقي أحلم؟ لا بقولكوا عاوزين نعتدي على حد ولا ناخد مكان حد ولا ننهب حد ولا أي حاجة، بقول فقط مصر مكانها أعز وأكرم من كدا، ومصر متتحوجش لحد.”
وتابع أن ما تم في البلاد ليس ما نحلم به بل خطوة من ألف خطوة، و”تاني مصر في رقبتكوا كلكم.”
