إعلامسياسة

بالفيديو: رسالة “شجاعة” من شادي سرور إلى السيسي تحقق 3 ملايين مشاهدة

شادي سرور للسيسي: خايف الدور الجاي يكون عليّ

زحمة

وجه الكوميدي الشاب شادي سرور، رسالة إلى الرئيس عبدالفتاح السيسي، من “شاب بسيط، يحب بلده”. وقبل أن يوجه رسالته ترحم على “شهداء الوطن”.

وراجع سرور، في مقطع فيديو نشره على صفحتيه على  موقعي فيسبوك ويوتيوب،   وعود السيسي حول عدم زيادة أسعار السعر الأساسية والأمن والأمان وسعر صرف الجنية والدولار والتطوير في مجال التعليم والصحة والاقتصاد.

وقال سرور في الفيديو الذي  حقق ثلاثة ملايين مشاهدة على فايسبوك في عدة ساعات،  “الدولار عدى حاجز العشرين جنيه، الأسعار بقت مولعه نار، كل شوية ناس تموت، شباب، أطفال، جنود، أقباط، مسلمين، أنا خايف الدور الجاي يكون علي. أو على حد من صحابي”.

“السلع الأساسية بقت مش موجودة، مفيش سكر ولا زيت، ولو لقيناهم هنلاقيهم بضعف السعر أربع مرات”.

” الأدوية والمستشفيات بقت أسعارها مولعه نار، واللي مش معاه يشتري دواء أو يدخل مستشفى يعمل إيه”.

” وفين الصناعة، إحنا بنستورد كل حاجة من بره، الحوادث ماليه الطرق، مفيش تنفيذ صارم للمرور، لكن فيه قانون صارم للتظاهر، ومبدأ الاعتراض بقى خيانة للوطن”.

أكمل سرور “بقينا بنقرف السياح عشان ميجوش البلد تاني. بقينا من دول العالم العاشر، منقدرش نسافر أي بلد غير بالعذاب عشان نطلع الفيزا،  حتى السودان يا ريس رفعت عننا الفيزا، دلوقتي بعد ما الشاب يدرس ويتعلم هيشتغل في شغلانة ويقبض خمس آلاف جنيه، هيشتري لنفسه امتى عربية وشقة؟ إزاي هاتيجوز ويجيب عيال يصرف عليهم؟.. الحياة صعبة”.

وأوضح سرور “إحنا مش عايزين نقلب البلد، ولا نعمل مظاهرات ولا نشيلك، إحنا أصلا فاقدين الأمل، أنا يمكن مش بفهم في السياسة، لكن أنا شاب بسيط، بيعبر عن رأيه بصورة محترمة، عشان مستاء من الحالة اللي وصلت لها البلد. دلوقتي واحد يطلع يقولك أنا إخوان، في ذهن الناس مبدأ الاعتراض خيانة عظمى للوطن، ليه أي طائفة معترضة نخونها ونعذبها ونصفيها؟”.

” ليه منبقاش كلنا إيد واحدة ويبقى فيه حرية ومائة حزب يحكم البلد، يبقى فيه ديمقراطية أنا مليش علاقة بأي حزب إخواني، أو حزب ليبرالي، أنا شاب بسيط بيحب بلده شايف بلده بتنزل للقاع وحاسس بالعجز”.

ووجه سرور سؤال أخير للسيسي ” يا ترى انت شايف الكلام ده كله؟.. عشان لو آه، تبقى مصيبة”.

ويعد شادي سرور من أشهر كوميديي الانترنت في مصر ويبلغ عدد معجبي صفحته على فيسبوك حوالي 5 ملايين معجب، ويتخطى عدد معجبيه على موقع يوتيوب المليون مشترك.

مقالات ذات صلة

زر الذهاب إلى الأعلى