سياسة

بالفيديو: السيسي في جنازة “البطرسية”: تفجير الكنيسة “إحباط منهم”.. وهذه تفاصيل الهجوم

السيسي: تفجير الكنيسة “ضربة إحباط” منهم.. والقوانين مكبلة للقضاء

زحمة

قدم الرئيس عبدالفتاح السيسي واجب العزاء لأسر ضحايا تفجير الكنيسة البطرسية، بحضور البابا تواضروس، بابا الإسكندرية وبطريرك القرازة المرقسية.

وقال السيسي في كلمته أمام الحضور إن من قام بتفجير الكنيسة “شاب عمره 22 سنة اسمه محمود شفيق محمد مصطفى” وفجر نفسه بحزام ناسف، وقبضنا على ثلاثة آخرين وسيدة كانوا يعاونونه، ونبحث عن اثنين آخرين.. عمل كده انتحاري فجر نفسه بحزام ناسف مش بشنطة ولا حاجة كده”.

وأضاف “من امبارح بنجمع في جثة الانتحاري، الكلام ده كلا مسؤول ماكانش ممكن نيجي هنا النهاردة من غير ما يكون للموضوع ده ملامح احنا عارفينا”.

وأضاف “إن ما يفعلونه من إحباطهم لأن المصريين حيروهم. الحاجة غالية مفيش فايدة. ناخد الرز والسكر مفيش فايدة. لا هنحركهم. 75 كنيسة ندمرهالكم مفيش فايدة. مش هنسيب تارنا حتى بعد اللي قبضنا عليهم. وبصراحة الحكومة والبرلمان لازم نتحرك بشكل سريع. القوانين المكبلة لن تجعل القضاء يتعامل بالحسم اللازم. كل من يستهدف المساس بأمننا وأمن بلادنا، مش هينفع كده. في كلام كتير مبنقولوش، انتوا ماتعرفوش حجم النجاح اللي محققينه حتى في مواجهة الإرهاب. متعرفوش حجم النجاح في سينا، نجاح كبير أوي. اللي حصل دا، اوعوا تقولوا إنه خلل أمني من فضلكم.”

وكان من بين الحاضرين بالجنازة كبار الشخصيات السياسية بالدولة مثل رئيس الوزراء شريف إسماعيل ووزير الدفاع صدقي صبحي ومفتي الجمهورية شوقي علام، والرئيس السابق عدلي منصور ورئيسي الوزراء الأسبق كمال الجنزوري والسابق إبراهيم محلب.

وأضاف: “اللي حصل ده امبارح دي ضربة إحباط منهم وهم لن يستطيعوا إحباطنا طول ما إحنا مع بعض كتلة واحدة لإن إحنا أهل خير مش شر أهل تعمير مش خراب إصلاح مش أهل إفساد. عزائي لشعب مصر كله. مش هنقول أشقائنا المسيحيين لكن لكل المصريين. الضربة سببت ألم كبير لكن أبدا عمرها ما هتكسرنا. وهنبقى أقوياء جدا وهنصمد والحرب دي إن شاء الله ان شاء الله هننجح فيها.”

وكانت قوات الجيش قد أغلقت منذ ظهر اليوم طريق صلاح سالم، تمهيدًا للجنازة العسكرية التي تقدمها الرئيس السيسي والبابا تواضروس. ويأتي ذلك بعدما ترأس البابا قداس الجنازة على الضحايا بكنيسة العذراء مريم في مدينة نصر، حيث وجه الشكر لكل المعزيين وعلى رأسهم الرئيس السيسي والبابا فرانسيس بابا الفاتيكان.

uk hgk sidg j. jk frhnjk

مقالات ذات صلة

زر الذهاب إلى الأعلى