أخبارسياسة

السيسي: الإساءة بالقانون تُساوي بالنسبة إليّ خيانة عُظمى (فيديو)

السيسي: لن أسمح بالإساءة للجيش والشرطة

قال الرئيس عبدالفتاح السيسي إنه لن يسمح بالإساءة للجيش أو الشرطة، موضحا أنّ هناك فرقا بين حرية التعبير أو الرأي والإساءة.

وتابع السيسي خلال تدشين مدينة العلمين الجديدة وعدد من المشروعات “أنا عايز أقول للإعلام ومن يمثلونه الموجودين معانا دلوقتي، الجيش والشرطة الذين يمثلون المصريين ويسقط منهم شهداء مصابين بقالهم أربع سنوات أو أكتر، لا يليق أن تسمحوا بالإساءة يعني، أنا باقول الكلام ده لكل أجهزة الدولة مش الإعلام بس، يعني أنا النهارده لو حد أساء للجيش أو الشرطة ده كده بيسيء لكل المصريين، ودي مابقتش حرية رأي”.

وأضاف السيسي “أنت ليك وجهة نظر أنا مش هحاسبك عليها، لكن تخلي وجهة نظرك صيغة تطلعها للناس تسيء بها للمصريين اللي هم ولاد الجيش والشرطة، كده كلكم تتصدوا لده مش أنا، النهارده الأم اللي قدمت ابنها والزوجة اللي قدمت زوجها تقول إيه لما تجد إساءة للجيش والشرطة، يعني ده الثمن؟ إنتم شايفين إن ده المقابل اللي تقدموه لأبنائكم الشهداء والمصابين؟ المصابين دول في منهم مصاب هايفضل قعيد طول عمره عشانك إنت، أنا أتصور إن الإعلام والثقافة والتعليم محتاج يراجع نفسه”.

وتابع قائلا “ماحدش يسيء للجيش والشرطة وأنا موجود هنا، وفي إجراءات قانونية، والله العظيم مش عايز أقول أنا الوحيد اللي عارف الجيش عمل إيه خلال السبع سنين اللي فات، واللي عمله الجيش الشرطة أجرهم فيه على الله. مش هاقول يتكتب في التاريخ ولا بأحرف من النور. أرجو أن يساعدنا الإعلام ويتصدى من غير ما نقوله. خلوا الناس تطلع تشوف في الجبهة يشوفوا الجيش بيعمل إيه. خليهم يشوفوا الناس بتموت إزاي، خليهم يشوفوا ولاد مصر بيقدموا إيه عشان البلد دي تعيش في أمان وسلام”.

ونظر السيسي إلى وزير الدفاع، صدقي صبحي وقال “الإساءة دي، بالقانون، تُساوى بالنسبة إليّ خيانة عظمى”.

مقالات ذات صلة

زر الذهاب إلى الأعلى