أهداف سويف: “شوكان” ..بيموت
كتبت الأديبة والكاتبة والناشطة المصرية أهداف سويف، على صفحتها على موقع فيسبوك، تحذيرا عن الحالة الصحية السيئة للمصور محمود شوكان الذي وضع في زنزانة التأديب بالسجن من يوم الجمعة الماضي على حد قولها، وقالت سويف: محمود عنده فيروس سي وصحته وحشة جدا، وتموضعه ي زنزانة تأديب ليس بها شباك ولا منفذ تهوية ورطبة جدا.
طيب، أنا هاقولها بصوت عالي، وف كل مكان متاح ليا، وبكل اللغات: أنا خايفة شوكان يموت.
شوكان في “التأديب” من يوم الجمعة.
التأديب: زنزانة تحت الأرض، متر x متر. مافيهاش شباك ولا نور ولا منفذ تهوية. ولا مية طبعاً. رطوبة جداً. وفيها حشرات وخلافه. طبعاً برد جدا ورطوبة. وطبعاً مافيش بطاطين ولا لبس غير سترة السجن.
طيب، دخل التأديب ليه؟ يوم الجمعة حصل تفتيش في الزنزانة اللي هو فيها ولقوا موبايل. صاحب الموبايل قلا لهم في ساعتها إن الموبايل بتاعه. قالوا له “خلصت كلام؟ إحنا مش هناخد حد غير شوكان. خللي العيال بتوع النت ينفعوه”.
شوكان، زي ما انتو عارفين، عنده دلوقتي فيروس سي وصحته بقت وحشة جداً.
طبعا حاليا مافيش معنى لإن الواحد يتكلم عن قانون ولا لوايح ولا حاجة من دي.
طيب، نعمل إيه دلوقتي، وشوكان لسه عايش، علشان مايموتش؟
ومحمود شوكان هو مصور صحفي تم اعتقاله أثناء تأدية عمله منذ يوم فض اعتصاميّ رابعة والنهضة لأنصار الإخوان المسلمين )14 أغسطس 2013)، وهو لازال قيد الاحتجازفي سجن طرة منذ أكثر من عامين
