يحيى الفخراني: مش هشتغل في عمل بيقول تيران وصنافير مصرية (فيديو)

بالمنطق لو هي مصرية هل ممكن السيسي يعمل كدة؟ 

 

قال الفنان يحيى الفخراني إنه لم يقل شيئًا على مواقع التواصل الاجتماعي حول مصرية جزيرتي تيران وصنافير، وأن الحساب المنسوب له على موقع تويتر هو حساب مزيف، كما أشار إلي أنه لا يتدخل في مثل هذه الأمور، وإنما يسمع لناس يثق فيهم، ووجد الناس الذين يثق فيهم يقولون أن تيران وصنافير سعودية.

وقال الفخراني خلال مداخلة مع الإعلامي عمرو أديب في برنامج “كل يوم” على فضائية “ON”، “أنا اهتميت بموضوع تيران وصنافير، لكن أنا مش بحب اتدخل في الحاجات دي لأنه مش شغلتي، أنا مش بحب أفتي، لكن أنا بيبقي عندي قناعة شخصية نتاج لأني بسمع مين بثق فيه، ولقيت الناس اللي بثق فيهم جدا بيقولوا تيران وصنافير سعودية، طبعًا لميس –زوجته المؤرخة لميس جابر- قتلت الحكاية دي بحثًا لكن أنا بجنبها لأنه مراتي برضة، لكن في أسامي تهمني أوي زي رجائي عطية وزي مفيد شهاب وزي مصطفي الفقي”.

وواصل الفخراني “الأهم من كل دة إنك تقتنع، هل ممكن السيسي يعمل كدة، وهو مستفيد ايه، بس بالمنطق دة أنت بتعرف الصح من الغلط، وبالمنطق انت بتشوف اللي بيقولوا العكس فاكر أيام 25 يناير لما صنفوا الناس، قوائم سودة وقوائم بيضا، عشان كدة مش بعرف اخد قرار ولما باخد قرار مش بقوله لأنه مش شغلتي”.

اقرأ ايضاً :   أيام الحرب الأولى .. صور

وأضاف الفخراني “أنا لما أجي اعمل مسلسل والاقي إن حد كاتب إن تيران وصنافير مصرية هقولهم لأ، لأن قناعتي غير كدة في العمل الفني”.

وأكد الفخراني “مقدرش أفتي في حاجة زي كدة، لكن لو حاجة فنيًا ضد قناعتي مش هعملها”.

Add comment