ماريان تروي واقعة التحرش بها في لجنة الامتحان (فيديو)

المراقب قالي هاتي تليفونك والجامعة اتهمتني بالغش 

ماريان

روت الطالبة ماريان هاني محمد الطالبة بكلية التجارة بجامعة حلوان، ما قالت إنها واقعة تحرش تعرضت لها داخل إحدى لجان الامتحان من قبل أحد المراقبين، وحين لجأت لوكيلة الكلية، منعتها من استكمال الامتحان.

وقالت ماريان خلال ظهورها في برنامج “رأي عام” الذي يقدمه الإعلامي عمرو عبد الحميد على  على فضائية “TEN” مساء أمس الثلاثاء: “اللي حصل أني لما رحت الجامعة لتأدية امتحان إدارة الموارد البشرية دخلت لجنة الامتحان الساعة 1:30 لتأدية الامتحان في الوقت من الساعة 2 إلي الساعة 4″، مضيفة “جلست في آخر اللجنة لقيت مراقب قاعد في اللجنة بيبص لي كده، كبرت دماغي، بعدين فجأة لقيته بيقول كراريس الإجابة جت اللي عايز كراسة الإجابة يجي يسيب بطاقته ويأخذ كراسة الإجابة ويروح مكانه، رحت بعد ما معظم زمايلي في اللجنة راحوا، وباخد كراسة الإجابة لقيته واقف في ضهري بيقولي ماتديني رقم تليفونك“.

وواصلت ماريان “المراقب كان موظف من خارج الجامعة، وعشان أنا كنت في امتحان عملت نفسي مش سامعة حاجة عشان اعدي الامتحان، أخدت ورقتي ورجعت قعدت ورا في مكان، لقيته بيقولي “انتي يا بنت أنتي اطلعي قدام”، مردتش، لقيته بيقول تاني “انتي يا بنت انا مش بكلمك اطلعي اقعدي لي قدام، سألته ليه لأن ورقة الأسئلة مكنتش لسة جت، قالي كلامي كدة وانا هنا اللي براقب”.

وأضافت “جمعت حاجاتي وطلعت للمقاعد الأمامية، لقيته جه وقف جنبي وقالي لأ أنا عايزك تقعدي لي هنا، “المقعد المواجه له مباشرة”، قلت لا أنا مش هقوم من مكاني، قالي لأ انا بقولك قومي من مكانك، سألته فين مدير اللجنة، قالي انتي بتهدديني أنا هجيبلك مدير اللجنة”.

اقرأ ايضاً :   "جامعة تكساس المسيحية تعاقب طالبا "أساء إلى المسلمين"

وتابعت “جات مديرة اللجنة و لسة هاتكلم معاها، لقيتها بتقوله هي دي اللي مضيقاك، في ايه انتي مش عايزة تقعدي قدام ليه، وسألته انت عايزها تقعد فين، قالها خلاص تمام خليها هنا كويس، قالت يبقى  نعلمها الأدب”.

واسترسلت ماريان في رواية الواقعة “سألت مديرة اللجنة تعلموا مين الأدب، قالت لي نعلمك أنتي الأدب، انتي مين رباكي، قلت لها أنا اللي رباني لواء في الجيش”، وواصلت “لم أقصد بها التهديد، كان قصدي إن أنا متربية تربية عسكرية مينفعش اتعرض لإهانة زي دي في جامعة، لقيتها بتقولي أنا ولا الجيش كله يهمني تعالي انتي ملكيش امتحان وجذبتني من ذراعي، رديت عليها انا مش عايزة امتحن، وقطعت ورقة الإجابة، أنا عايزة اعمل محضر”.

تابعت ماريان “جاء باقي المراقبين في اللجنة وردوا تعمل اللي هي عايزاه، احنا حنشهد إن الكلام دة محصلش، وأي طالب في اللجنة هيتكلم هنشيله السنة كلها”.

واصلت ماريان “الأمن رفض اصطحابي، وطلعني لعميد الكلية، ساعتها جه في بالي أني افتح مَسجل الموبايل عشان اثبت الكلام اللي حصل، وبالفعل ذهبنا لعميد كلية التجارة بالجامعة الدكتور عمر سلمان، أول ما دخلنا له مسئول الأمن همس لعميد الجامعة “البنت معاها حق وعايزة تعمل محضر”، فرد عليه عميد الكلية، أنت بتوطي صوتك ليه، احنا هنا مش بنخاف اتكلم بصوت عالي تروح في 60 داهية، أولا كانت فاتحة الموبايل وبتغش في اللجنة، ثانيًا اتعدت على رئيس القسم وثالثًا قطعت ورقة الامتحان ودة في حد ذاته شغب في اللجنة، ويالا اطلعي برة، قلت له تمام بس أنا معملتش كدة، قالي بقولك اطلعي برة، وقال لمسئول الأمن خدها وديها في 60 داهية”.

وأضافت “اتهمني بالغش رغم أني اتصلت باللجنة الساعة 1:57 دقيقة، وميعاد بدء الامتحان في الساعة 2، وقال لي ضابط اللجنة، اذهبي لقسم شرطة حلوان لأن مفيش حد جوة الجامعة يعملك محضر، ومش هينفع نبعتلك حد، بعد ذلك جاء لي سكرتير عميد الكلية، وقالي تعالي هنعملك محضر في مبني الامتحانات، وروحت لقيتهم بيعملوا محضر شغب، قلت لأ انتوا كدة بتشتغلوني، أخذت بطاقتي وذهبت للقسم، وهناك اتصل المأمور برئيس أمن جامعة حلوان، قالي تعالي لي يوم الأحد هجيبلك حقك”.

 

اقرأ ايضاً :   عامل النظافة أقال وزير العدل

وتابعت “في يوم الأحد، قبل أن أعود إلي الكلية ذهبت إلي القسم وحررت محضر برقم 7088 إداري حلوان، بعدها ذهبت لرئيس أمن الجامعة، قال رئيس الجامعة الدكتور ماجد نجم عايز يقابلك، وقالي انه هنجيب لك حقك وانتي زي بنتي، روحت لقيت عميد الكلية الدكتور عمر سلمان يقول عني في الإعلام أنني مريضة نفسية وباخد مهدئات وكنت بغش في الامتحان، ولم يحدث أي شئ مما قلته”.

تحرش

وأجري الدكتور ماجد نجم القائم بأعمال رئيس جامعة حلوان مداخلة هاتفية خلال الحلقة قال خلال “بمجرد علمي بالواقعة من خلال منشور على فيس بوك طلبت من مدير أمن الجامعة أن يصلني بماريان فور وصولها الجامعة، واتخذت قرارًا بإحالة الموضوع برمته للتحقيق، وكلفت عميد كلية الحقوق شخصيًا بالتحقيق في الواقعة، وسيحاسب المخطيء أيا كان، ولن نقبل الإساءة لأي أحد، نحن نقف مع الحق، والدليل أنني من طلبت الاتصال بماريان وليست هي من حاولت الوصول إلي”.

وواصل نجم “أنه تحدث مع الدكتور عمر سلمان عميد كلية التجارة ونفي الأمر، ونفي نسب أي تصريحات إليه تتهمها بالمرض النفسي على موقع صدي البلد، ولم يتطرق للواقعة التي روتها ماريان في مكتبه”، وتدخلت ماريان قائلة “حررت محضر ضد صدي البلد، إذا كانت تصريحاته مفبركة تتحاسب صدي البلد”.

 

Add comment