أخبارسياسة

السيسي: وأنا صغير طلبت من ربنا 100 مليار دولار (فيديو)

السيسي: يا رب لو ادتني هصرفهم وأخلي الناس تعيش كويس

قال الرئيس عبدالفتاح السيسي خلال تدشين مدينة العلمين وعدد من المشروعات الأخرى “وأنا صغير كنت أمشي وأشوف المناطق العشوائية والناس اللي ظروفها صعبة، وأقول يارب لو ادتني 100 مليار دولار أنا هصرفهم وهخلي الناس تعيش كويس، أقسم بالله”. 

وأضاف السيسي “طبعا ده لو أنا معايا، أنا طبعا مش معايا الفلوس دي، بس هو قالي طيب أنا همكنك أهو، ويلا وريني هاتعمل إيه، وأنا بفكر الدكتور مصطفى مدبولي، وزير الإسكان والمرافق والمجتمعات العمرانية بـ200 ألف وحدة سكنية، إحنا معادنا هذا العام 2018 يا دكتور، المليون إنسان دول يدخلوا يقعدوا، إحنا عايزين نسكنهم بفرش”.

ومازح السيسي اللواء ممدوح شعبان، مدير جمعية الأورمان قائلا “أنا طلبت 100 مليار دولار، مطلبتش جنيه، مايفعش جنيه. ربنا يكرمنا كلنا”.

ويضع السيسي اليوم حجر الأساس لمشروع مدينة العلمين الجديدة، كما يفتتح عددًا من المشروعات الأخرى، بحضور شريف إسماعيل، رئيس مجلس الوزراء، ومصطفى مدبولي، وزير الإسكان والمرافق والمجتمعات العمرانية، وإبراهيم محلب، مستشار رئيس الجمهورية للمشروعات القومية، وعدد من الوزراء الآخرين والمسؤولين بالدولة.

مقالات ذات صلة

زر الذهاب إلى الأعلى