أخباررياضة

فيديو- عمرو أديب لمحمد صلاح: دي دعوة أمك

عمرو أديب: الفاشل ماعندوش مشكلة.. والناس نسيت جون رونالدو

أشاد الإعلامي عمرو أديب في برنامجه “كل يوم” على فضائية “أون تي في” أمس، بأداء اللاعب المصري المحترف في نادي ليفربول الإنجليزي محمد صلاح، وقال إنه تحول لـ”هوس” للمصريين.

“هقولكم حاجة بلدي قوي.. بس الحقيقة: دي دعوة أمك ليك يا بني.. لو أمك راضية عندك تبقى أعظم من محمد صلاح.. أمك ثم أمك ثم أمك.. الراجل ده أمه راضية عنه.. ربنا يباركله ويكرمه”.

وتابع “مصر مافيش وراها حاجة غير محمد صلاح، وبنسمع آهات المصريين في البيوت والشوارع والقهاوي زي مباريات الأهلي والزمالك، على أجوان محمد صلاح”.

وأضاف “الدوري الإنجليزي كان لنخبة الشعب، الآن الناس على القهاوي معاها جدول بطولة الدوري الإنجليزي، وإمتى بيلعب ليفربول.. الناس وهي بتتفرج على صلاح نسيت جون رونالدو العظيم من يومين”.

واستطرد “إحنا عايشين حلم وهمي غير طبيعي، حالة لا يمكن حد يتوقعها.. الراجل ده بيتقدم هذا التقدم إزاي وبيوصل للمراحل دي إزاي؟ من أي كوكب نزلت، ما هي تركيبتك الكيماوية؟ أن نتنقل من المحلية للعالمية، هذا تغير تاريخي في شخصية إنسان”.

وأردف “محمد صلاح مأثر على كل حاجة طول ما صلاح بيلعب.. باين وواضح بين الكبار كلهم.. الكرة الذهبية والحذاء الذهبي وكل شيء ذهبي ينتظر محمد صلاح هذا العام، رجل لا يقارن”.

وكانت دعوته له “يحميك يابني ويحفظك من العين والشر والغرور.. إن شاء الله تكمل مسيرتك لأن الفاشل ماعندوش مشكلة.. اللي عنده مشكلة هو الناجح. ومحمد صلاح يواجه تحدي أن تظل عظيمًا ومتربعًا ومتميزًا.. عندما تكون محط أنظار العالكم.. الله يكون في عونك يابني”.

الوسوم

مقالات ذات صلة

إغلاق