ثقافة و فن

فيديو| رغم الانتقادات.. آيتن عامر ترد على الهجوم بسبب وزنها الزائد

تجربتي حافز لناس كتير نفسها تخس

لم تهتم الفنانة آيتن عامر بسخرية وانتقاد البعض لها بعد ظهورها مع الإعلامية منى الشاذلي في برنامج “معكم”، ومع ذلك اعترفت بأن وزنها الزائد عرّضها لانتقادات من جمهور السوشيال ميديا لكنها ردت عليهم.

وقالت آيتن عبر حسابها: “أيوه في مشاكل أهم وأعمق من المشكلة بتاعتي اللي تناولتها النهارده الأستاذة منى الشاذلي، لكن خلينا نشوفها بشكل تاني، ليه مانقولش إن تجربتي دي ممكن تبقى حافز لناس كتير نفسها تخس وظروفها المعنوية أو المادية مش مساعداها خصوصا إن الدكتور وافق إنه ينزل الأنظمة الغذائية كاملة دون أي مقابل”.

وأضافت: “ليه مانقولش إن دي تجربة فعلية تخلي الناس اللي بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن مانضرش صحتنا ونخش أوض عمليات ونعمل دايت وتخس ومانتكلفش كل الفلوس دي”، مؤكدة: “ليه الحلقة دي ماتكونش بتهوّن على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كده وإني كممثلة لا أتميز عنها بشيء سوى الإرادة وأشجعها تبدأ معايا”.

وتابعت آيتن: “بلاش هجوم بلا داعي، أنا مش هقدر أحل مشاكل الكون ولا مشكلة الغلاء، ‏لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللي هقدر عليه”.

الوسوم

مقالات ذات صلة

إغلاق