سياسة

فيديو| السيسي يعلن عن مسابقة لرفع كفاءة الطرق.. ويعلق على منزل كوبري: هل هذا طبيعي!

الرئيس السيسي يفتتح عدد من المشروعات بتقنية “فيديو كونفرنس”

زحمة

تحدث الرئيس عبدالفتاح السيسي، عن كوبري سيدي كرير ضمن مشروعات الطرق، موجها حديثه لوزير النقل د.هشام عرفات ولرئيس الوزراء د.مصطفى مدبولي، قائلًا: “شايف الحتة اللى في اليمين، هي ليه كدا”.

ورد مدبولي قائلًا :”دا منزل كوبري سيدي كرير، والطريق يتحول إلى حارات”، وتساءل الرئيس: «هو دا الشكل الطبيعي يا دكتور مصطفى، هو دا الطبيعي”.

وهنا رد وزير النقل، قائلا: “هتتوسع يا فندم، وتنزل على الطريق الرئيسي”.

وانطلق قبل قليل، حفل افتتاح المرحلة الأخيرة للطريق الدائري الإقليمي بآيات قرآنية، وبذلك بحضور الرئيس عبدالفتاح السيسي، ورئيس مجلس الوزراء الدكتور مصطفى مدبولي، وعدد من قيادات وازرة النقل.

ويفتتح الرئيس، اليوم الأحد 9 سبتمبر، مشروعات محاور النيل والطرق والكباري المنفذة بواسطة الهيئة العامة للطرق والكباري وإدارة المهندسين العسكريين: محور طما (أسيوط/سوهاج)، كوبري قوص بقنا، كوبري برج العرب، كوبري بلطيم.

وأكد الرئيس السيسي على ضرورة رفع كفاءة شبكات الطرق فى مصر، قائلًا إن: “شبكة الطرق بالمحافظات تتطلب رفع كفاءتها وإلا أبقى أنا مش واخد بالى.. أنا واخد بالى كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليار، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. ودا مش موجود.. ولو قلتوا لى موجود هبقى سعيد”.

وفيما قال أحد المواطنين إن الطرق متهالكة، علق الرئيس: “متهالكة يعنى عدمان العافية وأنا بقول الكلام  ليكم كلكم.. إحنا واخدين بالنا.. بس حجم المطلوب لرفع كفاءة هذه الطرق ضخم جدًا”.

وأشار الرئيس إلى أن حجم المطبات الصناعية الموجودة بالمحافظات معيق للحركة ومؤذى لأن مواصفاته غير جيدة، معقبًا: “تكلمنا قبل كدا عن مسابقة للجامعات والمدارس قبل العام الدراسى الجديد”.

وتابع: “المحافظين هيقولوا لى هنجيب فلوس منين، طيب وأنا بجيب فلوس منين؟..طيب اللى بيتعمل ده منين.. كل ما نقوم به فى شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل إزاى ويتصرف عليه إزاى؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا فى الاستثمار، وسمعنا كلام كتير خلال الـ 5 سنوات الماضية لكن عارفين إنه مع الوقت الناس هتعرف اللى بيتعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل لـ 100 مليون”.

وأضاف: “نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها إزاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. إنتوا كمان هتقصروا مع محافظتكم؟”.

فيما قاطعه أحد الشباب قائلًا: “أهالى قنا يبعثون لك بالتحية”، فيما قال الرئيس :” لو عاوزين تحيونى ارفعوا كفاءة شبكة الطرق بتاعتكم”.

وخلال حضوره فعاليات افتتاح مشروع الطريق الدائري الإقليمي، قاطع الرئيس عبد الفتاح السيسى، وزير النقل الدكتور هشام عرفات، قائلًا: “يجب تعويض الأشخاص الذين تم نزع ملكية الأراضى منهم تعويضا مناسبًا”.

وأضاف الرئيس: “مناطق النزول والصعود للطرق الدائرية لو تركت بهذا الوضع فلن يتم السيطرة عليها خلال 5 سنوات، ولذا لا بد من تعويض الناس وإزالة كل ذلك، وأن يتم التخطيط بشكل جيد، لتجنب النمو العشوائى بجانب الطريق”.

ووجه كلمته لرئيس الهيئة الهندسية للقوات المسلحة، قائلًا :”يا كامل أرجو نخلص الموضوع ونعوض الناس”.

كما طالب الريس، الحكومة بدراسة ظاهرة التعديات العشوائية على الأراضي الزراعية بنطاق محاور الطرق والكباري.

وأضاف: “أنا عاوز الناس تبص على عمق الأراضي الزراعية وحجم التعديات عليها، إذا كان الأمر هيمشي كدا على طول، ادرسوا الموضوع ونسمح بتخطيط بشكل أو بآخر، لكن بالشكل دا كل الأراضي المحيطة بالطرق هتكون عبارة عن نمو عشوائي دون مرافق، مش هينفع نعيش كدا”.

وتابع الرئيس: “لو الأمر محتاج إننا ناخد إجراء داخل القرى دي لمنع انتشار هذه التعديات على الأراضي الزراعية، لو أي حد خد طيارة بطيئة كدا ولف على المناطق الزراعية هيجد حجم تعدي غير طبيعي”.

الوسوم

مقالات ذات صلة

إغلاق