سياسة

فيديو.. السيسي بمؤتمر الشباب: الصعايدة بيحموا بعض لكن مش بيأكلوا بعض.. كل واحد بياكل بدراعه

السيسي بمؤتمر الشباب: الصعايدة بيحموا بعض لكن مش بيأكلوا بعض.. كل واحد بياكل بدراعه

زحمة

تحدث الرئيس عبد الفتاح السيسي خلال مؤتمر الشباب بمدينة أسوان، قائلًا إن قطاع السياحة كانت سيكفي مصر دون الحاجة إلى أي شئ آخر، مشيرًا إلى أن المستثمرين كانوا سيقومون ببناء مطارات وموانئ ومدن لكن هناك أشياء تحدث مثل الإرهاب حتى لا يصل الخير إلى مصر.

وقال السيسي: “كل اللى بيتعمل فينا عشان الخير ميجيش، والشر مبيرحمش أخوه المصرى محدود الدخل اللى مستعد يدوس عليه عشان يهده”.

وبعدما قال أحد الشباب إنه يريد دفع مقابل الخدمات التي تقدمها الدولة لكنه لا يمتلك ذلك، قال السيسي: “مش قادر تدفع الخدمة وكمان الدولة بيتعامل معاها شغل عشان متبقاش قادرة هى كمان..لا عمرى خفت عليكم إلا من عدم وعينا أو اختلافنا مع بعض.”

وتابع الرئيس: “معنديش مصلحة غيركم انتو فاكرين حب الوطن كلام ولا ايه حب الوطن إخلاص للوطن.”

وأضاف أن أحد الحضور قال إن الإرهاب نتيجة الجهل والفقر، لكن “هما بيدخلونا في دايرة منخرجش منها.. اسمعوا الكام اللي بقولهولكو.. بفكر الناس بتوع الأقصر سنة 96.. لسه كنت بتكلم مع مجموعة شباب أول امبارح بيقولي السياحة يا ريس، قلتله السياحة أمان وسلام لإن السايح اللي عايز ييجي، عايز يبقى في أمان وسلام.

وتطرق السيسي إلى الحديث عن تعامله السابق مع “الصعايدة” في الحي الذي تربى فيه بالجمالية قائلا: “كانوا بييجوا مع بعض يخلوا بالهم من بعض في الحماية محدش يأذي حد لكن حد يأكل حد؟ لأ. كل واحد بياكل بدراعه.”

وتابع أن الهدف من الللقاءات الشهرية بالشباب هو مواجهة أهل الشر، وتغيير الانطباع الخاطئ. وأكد “لازم لازم لازم ربنا هيرفع راية البلد دي.. لااازم.. جبت كلمة الإرهاب بالذات لإنها جوانا، مش بس الأجهزة ولا الإعلام ولا الدولة تقدر تدافع عنها، احنا كلنا في وسطينا الناس مش هقولك تؤذيه، ولا طالب منك غير تقوله سيبنا نعيش خش انت الجنة وسيبنا احنا نعيش، بتقول احنا مش كويسين وهنخش النار، طب  كفاية النار بتاعت ربنا متبقاش نار بتاع ربنا والنار بتاعتكو كمان..” وأضاف ضاحكا: “مش هم بيقولولنا كدا؟ بيقولوا ان هما ناس صالحين واحنا ناس مش كويسين؟ طب ماشي ما احنا ربنا هيحاسبنا. وربنا مش غافل عن اللي بيتعمل لا مننا ولا منهم.

مقالات ذات صلة

إغلاق