سياسة

فيديو.. السيسي: الخدمات لو مش هيندفعلها التمن الحقيقي مش المدعم مش هنقدر نكمل

الرئيس بمؤتمر الشباب: هو أنا مبغِرش على بلدي وأنا شايف القطر كدا؟

زحمة

قال الرئيس عبد الفتاح السيسي، إن الخدمات التي تقدم للمواطنين يجب أن تكون بمقابل، ويجب على الحكومة التحدث بشفافية مع المواطنين حول التكلفة الحقيقية.

وأوضح السيسي خلال فعاليات اليوم الثانى للمؤتمر الوطنى الثالث للشباب، وفي ندوة بعنوان “الصعيد ما بين التحديات وآفاق التنمية”، إنه من الهام جدا تشكيل “لدى الرأي العام في مصر إن الخدمة قدام منها مقابل،” مضيفًا “لو المقابل دا مجاش الخدمة دي هاتتدهور وهاتنتهي الخدمة إذا كان مش ها يدفعلها التمن الحقيقي مش التمن المدعم مش هنقدر نكمل.”

وتابع الرئيس خلال مقاطعته لوزير الكهرباء، محمد شاكر: “دي ثقافة محتاجين دايما نشكلها واحنا بنتكلم مع الرأي العام بنقوله بشفافية بنقوله بمصداقية، لكن كما بنقوله بوعي .”

وكان وزير الكهرباء يتحدث عن محطات الكهرباء وخطة وزارته لمواجهة الأزمة، حين قال السيسي إن المحطة التي تحدث عنها وزير الكهرباء يجب أن يعرف الرأي العام تكلفتها وتكلفة الوقود أو الذي تستهلكه حتى تعمل “طول السنة”.

وأضاف السيسي: “المقابل دا احنا بنتحصل عليه ولا لأ؟ ولو مبنقدرش نتحصل عليه ندفع منين؟ الكلام دا لو مش موجود قدام كل الناس اللي بيسمعوني دلوقتي، إن أحد أهم أسباب تراجع قدرات الدولة وخدماتها اللي بتقدم للرأي العام إن الدولة ماكنتش تستطيع أن تحصل على المقابل لهذه الخدمة وبالتالي تراجعت.”

ثم تطرق الرئيس إلى قطاع السكك الحديدية المتدهور قائلا إنه يحتاج إلى 180 مليار جنيه في الوقت الذي لا تستطيع الدولة رفع قيمة التذكرة، وتابع: “هو أنا مبغيرش على بلدى وأنا شايف القطر كدا؟ فأرجو مننا واحنا بنتكلم نتكلم على إن اللي احنا بنعمله دا لو مكناش هنحصل على القدر اللي احنا مخططينه على الأقل من المقابل، دا مش لصالحنا.”

الوسوم

مقالات ذات صلة

إغلاق