سياسة

خالد علي: يوم تسليم الجزيرتين للسعودية يوم نهاية السيسي (فيديو)

خالد علي: يوم تسليم الجزيرتين للسعودية هو يوم نهاية السيسي (فيديو)

السيسي

قال المحامي الحقوقي خالد علي إن “اليوم الذي ستتسلم فيه السعودية جزيرتي تيران وصنافير، سيكون يوم نهاية الرئيس عبدالفتاح السيسي، ويوم نهاية شريف إسماعيل، ويوم نهاية مجلس النواب الحالي”.

وأضاف علي خلال ندوة في حزب الدستور بالإسكندرية أن “مفيش حاجة اسمها في الدول كده كأن مفيش شعب، إحنا مضينا وخلاص وماحدش يفتح بقه، لأ هنفتح بقنا”.

وواصل على “لما رفعنا القضية دي نص المحامين زمايلنا في المكتب كانوا خايفين لنخسرها، وانتوا عارفين إنه اتعمل حملة إعلامية، وكانت سمعتنا المهنية على المشنقة، يعني في السياسة كلنا متعودين، ناس بتقول عليك كويس وناس هتقول عليك وحش، لكن في المهنة كل واحد غيران على سمعته المهنية، قالوا علينا محامين فشلة ومحامين خايبين وبيضحكوا على الناس، والدولة حطت في بطنها بطيخة صيفي بهذا الخطاب، فوجئوا إننا بنكسب القضية”.

وتابع المحامي الحقوقي “اوعوا تتخيلوا إن المقاومة حرب طواحين، المقاومة أمر واقع، في الوقت اللي كله كان ساكت وخايف الناس لما نزلت الشارع والقضية لما اترفعت وكسبناها، وقفنا بيع الجزر”، مضيفًا “النهاردة بيرموا خطاب في الشارع الشعب المصري ساكت واصلهم حيسلموها حيسلموها، اوعوا تنخدعوا بهذا الخطاب الساكت الاستسلامي، لأ لو مش عايزنها متتسلمش مش هتتسلم، واوعوا تتخيلوا إن انتوا رقم ضعيف في المعادلة، واوعوا تتخيلوا أن الشعب المصري مش في ضهركوا، وعشان كده قلت لكم الشعب ده صدقكم وجاب لكم مستندات، وقف في ضهركوا وجمع 5 ملايين في 10 أيام، اوعوا تصدقوا خطاب انهزامي يقولك اللي الدولة عايزاه يحصل هيحصل”.

 

مقالات ذات صلة

إغلاق