إعلامفيديو

فيديو.. عمرو أديب عن “شوبير والطيب”: “المجتمع عاوز شيزلونج”

فيديو.. عمرو أديب عن “شوبيروالطيب”: “المجتمع عاوز شيزلونج”“

زحمة

علق الإعلامي عمرو أديب على واقعة اعتداء أحمد شوبير على المعلق الرياضي أحمد الطيب، خلال برنامج العاشرة مساءً الذي يقدمه وائل الإبراشي على قناة دريم، وقال إنه في غنى عن التحدث بأن الأمر غير أخلاقي.

وتابع مؤكدًا أنه كان يشاهد البرنامج على الهواء أثناء قيام شوبير بالاعتداء: ”احنا عند نقطة الانهيار.. البلد من 2011 في حالة انكسار ممكن تحصل في أي لحظة.. احنا تحت ضغط مستمر.. احنا أمة تحت ضغط رئيس تحت ضغط حكومة تحت ضغط.. اللي حصل مع شوبير لو كان في وقت آخر لكان في وضع آخر ومثله أحمد الطيب.“

وأضاف أديب: ”احنا قاعدين نشيل من 2011 لدلوقتي. حالة خوف.. حالة ترقب.. حالة غلاء معيشة..  الناس كلها تحت ضغط جامد جدا وعلى شعرة.. أوقات كتير أعصابنا بتروح.. وبتكلم على المذيع والضابط وعلى الوزير والقاضي والخباز.. بتيجي مرحلة حاجة جواك بتنكسر.. ضغط اقتصادي وضغط اجتماعي وديني، المواطن المصري معجزة تمشي على قدمين.“

وتابع: ”شوبير والطيب عوروا بعض.. قعدوا يضربوا بعض 10 دقايق.. وائل الإبراشي كل ليلة في مجزرة ومذبحة، شكل الضرب والزعيق بقى معتاد بالنسباله.. المجتمع مش هادي.. عاوز يتعالج نفسيًا.. عاوز يتحط ع الشيزلونج.. عاوز أحمد عكاشة.. احنا اتبهدلنا.. حكامنا بهدلونا حكوماتنا بهدلتنا.. ظروفنا بهدلتنا.“

مقالات ذات صلة

زر الذهاب إلى الأعلى