أخبارسياسة

بالفيديو.. السيسي: إن تحركنا تزعلوا وتهدوا البلد.. وإن متحركناش تحسوا بالعجز وتهدوا البلد

السيسي: أنا عمري كله قضيته في دراسة الموضوع ده

قال الرئيس عبدالفتاح السيسي أنه عند تطبيق الاجراءات الاقتصادية في مصر خلال الفترة الماضية، راهن على وعي المصريين، مع أن الحكومة عارضته وقالت له “بلاش” بحسب قوله.  

وأضاف السيسي خلال جلسة «تحديات وقضايا تواجه شباب العالم ..سبل المواجهة لصناعة المستقبل» ضمن فعاليات منتدى شباب العالم المنعقد بشرم الشيخ يوم الثلاثاء “إن فضلنا ساكتين هانضيع. الفكرة كده. المعضلة كده. إن اتحركنا تزعلوا. ولما تزعلوا تتحركوا. فلما تتحركوا تلخبطوا. فلما تلخبطوا تهدوا البلد”.

وتابع السيسي “وإن متحركناش هانفضل عاجزين. فتحسوا بالعجز والقِلة. فتتحركوا وتهدوا البلد”.

واستطرد السيسي “من يستهدف مصر يستهدف ألا تقوم أو تقف على رجلك مرة ثانية. وكل ما تحاول تقف على رجلك هنكسرها. من خلال إقحامك في إشكالية كبيرة ومعادلة صعبة. إن سكت متطلعش لقدام. وإن جيت تطلع لقدام هنكسرك. جميع ذلك يحتاج إصرار ونضال من مصر حكومة وشعبا”.

وتابع “عشان كده بقول للمصريين. أنتم تقوموا بمعركة رائعة جدًا. وكمان أحب أسمع ده للضيوف الحاضرين للمؤتمر. إنتم بتسمعوا إننا ضد حقوق الإنسان وديكتاتوريين. لكن إحنا أمة عايزة تعيش زي ما أنتم عايشين. إحنا نحترم شعبنا ونحبه ونريده أن يقود دولته بنفسه. بس أنتم مش عايزين البلد دي تعيش”.

وأضاف “التطرّف سلاح يستخدم في تدمير الدوّل. سينمو ويتوحش ومش هايخلي حد. صدقوني. أنا عمري كله قضيته في دراسة الموضوع ده”.

وأكد أنه عندما تكون الدولة عاجزة عن تلبية مطالب شعبها، سيتحرك شعبها “لما يتحرك يهدها ونبدأ ندخل في دائرة هدم. لأني مش قادر ألبي مطالب شعبي المشروعة. عشان كده شايف إن مؤتمرات الشباب وكلامي المتسم بالصراحة والشفافية هو السبيل الوحيد لمواجهة كل من يحاول هدم الدولة المصريّة، يشمل ذلك الجماعات والتنظيمات المتطرفة أو أي قوى أخرى”.

الوسوم

مقالات ذات صلة

إغلاق