أخباررياضة

بالفيديو.. إبراهيم حسن يتوعد مرتضى منصور: “هلطشه 700 قلم”

إبراهيم حسن لمنصور: “فاكر لما قفلنا عليك الأوضة وكنت بتصرخ زي الحريم؟”


توعد إبراهيم حسن، مدير الكرة في النادي المصري، المستشار مرتضى منصور رئيس نادي الزمالك بالضرب قائلًا: “ده عيل مالوش لازمه وبيحب يهزأ نفسه”. 

وأضاف حسن في مداخلة مع برنامج “كورة بلدنا” مساء أمس الإثنين “واحد في السن ده وعنده أحفاد ومش عايز يحترم نفسه، وجايب ناديه الأرض، وبيتهزأ من الكبير والصغير، وهو السبب الرئيسي لأن الزمالك مش هايقومله قومه أبدا، ومستمر في الغلط في الناس كلها”.

وتابع حسن “المفروض إحنا في دولة محترمة ورئيسها محترم، وأنا بوجه رسالة لرئيس الجمهورية بشخصه وبسأله، هل الشخص ده هايفضل يغلط في الناس ويتساب كده.. من فضلكم الرجل ده أصبح مؤذي للسمع والبصر للناس كلها. فهل حد يقدر يربطه؟”.

وقال حسن “أنا عايز أفكر منصور باليوم اللي قفلت عليه أنا وشقيقي حسام الأوضة هو وابنه الباب وكان بيصرخ زي الحريم، هل يحب أعمل ده تاني؟ ده راجل سمته البلطجة، وهو سبب في موت 22 واحد من جماهير الزمالك وحبس آخرين، وهو السبب في موقعة الجمل”. مضيفا “أنا لو عليّ أروح ألطشله 700 قلم على وشه والباقي على وجوه ولاده. وهو اللي مصمم إني أهزأه. ومش راضي يحترم شيبته، وهاديله بأقل حاجة في رجلي، وقلت له مليون مرة أنا وحسام مابنحبش نغلط في حد، وردودنا أفعال مش أقوال”.

الوسوم

مقالات ذات صلة

إغلاق