أخبارثقافة و فن

فيديو- شيرين عن “ماشربتش من نيلها”: أفضّل أي حد يغنّيها غيري

شيرين عبدالوهاب: “مش عاوزة أغنّي ماشربتش من نيلها تاني”

في أول تعليق لها على الحكم القضائي بحبسها ستة أشهر وكفالة 5000 جنيه، بتهمة الإساءة لمصر، بالقضية المعروفة إعلاميا بـ”تصريحات البلهارسيا”، قالت شيرين عبدالوهاب في تصريحات صحفية لبرنامج “إن سايدر” على قناة دبي الفضائية “أحترم قضاء بلدي لكن شايفة شوية تعسف وشوية ظلم”.

وأضافت شيرين “كل اللي حصل ما يستحقش الجدل.. في الآخر أنا مصرية وعربية وفي نفس الحفلة نزل فيديو تاني فيه كل الكلام الحلو.. لكن إذا عملت حاجة وحشة العالم كله بيتكلم عنها، وإذا عملت حاجة حلوة مافيش حد بيتكلم عنها”.

وتابعت “أنا مش عارفة ليه كده.. نفسي اللي يكبر واللي يتشهر يكون الحاجات الكويسة الإيجابية وليست السلبية.. إذا كان لي أو لغيري، وما باخفش غير من اللي خلقني”.

وعن غناء “ماشربتش من نيلها” في حفلاتها اللاحقة، قالت: “أفضّل أي حد يغنيها غيري.. أنا مش عاوزة أغنيها.. وبلاش نتكلم في الموضوع ده علشان حساس جدا بالنسبالي وبيشكك في وطنيتي وماحدش يزايد على وطنيتي لبلدي أبدًا”.

وبسبب وقف تصاريحها من قبل نقابة المهن الموسيقية، كانت شيرين مشغولة في التحضير لحفلاتها خارج مصر.

كانت محكمة جنح المقطم عاقبت في 27 فبراير الماضي، المطربة شيرين عبدالوهاب بالحبس لمدة 6 أشهر، وكفالة 5000 جنيه، بتهمة الإساءة لمصر، بالقضية المعروفة إعلاميا بـ”تصريحات البلهارسيا”، كما قضت المحكمة بتعويض مدني قدره عشرة آلاف وواحد جنيه، و50 جنيها أتعاب محاماة.

وتعود وقائع القضية إلى تصريحات الفنانة التي أطلقتها من على خشبة المسرح في إحدى حفلاتها، عندما طالبتها إحدى الحضور بغناء أغنية “ماشربتش من نيلها”، فردت عليها ساخرة “هيجيلك بلهارسيا.. اشربي إيفيان أحسن”.

مقالات ذات صلة

زر الذهاب إلى الأعلى