سياسةفيديو

السيسي: مش عايز كلام تاني عن الجزيرتين.. وانتو سبب أزمة ريجيني

بالفيديو: كلمة السيسي: مش عايز كلام تاني في موضوع الجزيرتين.. وانتو اللي عملتوا أزمة ريجيني

إعداد: محمود حسني

تحدث الرئيس عبد الفتاح السيسي خلال لقائه مع ممثلي فئات المجتمع المصري بقصر الاتحادية، صباح اليوم، عن عدة قضايا أهمها زيارة الملك سلمان وتعيين الحدود بين مصر والسعودية وقضية جزيرتي تيران وصنافير حيث قال إن مصر لم تفرط في حق لنا، وفي الوقت نفسه أعطينا الناس حقها. وهناك مسافة في تناول القضية على بالنسبة للفرد مقارنة بسياق الدولة.

وأردف: “هذا الموضوع لم يتم تناوله من قبل ولم يتم طرحه حتى لا يُؤذى الرأي العام في البلدين.”

وأن مطالبات المملكة العربية السعودية بحقها في الجزيرتين تأجل أكثر من مرة بسبب ظروف الحروب المتعاقبة وحساسيات ما بعد عملية السلام.

وأكمل: “ببساطة كدا الكلام دا اشتغل فيه اللي قبلنا من سنة 90 بناء على مطالبات من المملكة العربية السعودية بأهمية استعادة الجزر. ومحتاجين بعد الموضوع ما خلص كإجراءات ألا يترتب على ردود الأفعال سوء العلاقات بين البلدين.”

“أنا أخدت الضربة في صدري. ولو كنت قولتلكم يا مصريين من 8 شهور.. كان زمانا في هذا الجدال طوال الـ 8 شهور .. لإن طريقتنا في تناول الموضوع والتعامل معه تؤذينا.. والأمر نفسه حديث في قضية سد النهضة. بقينا نتكلم في أي موضوع بلا حدود أو ضوابط. بنتسبب في أذى أنفسنا بلدنا.”

“الإعلام هو المعلن عن سياسة الدولة. فتقديري للموقف السياسي كان بعد ما ينتهي. لتجنب الدخول في أزمة.”

أضاف السيسي أنه طلب ملف الجزيرتين منذ يونيو 2014. “قبل ما حد يسألنا عليها، ومن المنظور الفني أرشيف وزارة الداخلية والدفاع والمخابرات العامة، لم يكن لديهم شيء.” ولم يستكمل الجملة.

“البعض تكلم من منظور سياسي. والبعض من منظور قانوني. وفيه حد قال اسألوا كل الناس.. والله سألت كل الناس.. لإن دا حق بلد.. كونوا مطمنين.. وكل الوثائق قالت إن الحق دا بتاعهم.. وعلى مدار 11 جلسة من لجان متخصصة.. هل مفيش في الجيش او الخارجية حد وطني واحد عايز مصلحة بلده؟ دي بلدكم وناسكم .. لما تشككوا فيهم بالشكل دا يبقى فاضل إيه.. وبقول كدا عشان تطمنوا.. مش على الجزيرتين .. لكن على الراجل اللي آمنتوه على بلدكم وأرضكم وعرضكم..”

“مش واخد الموضوع بشكل شخصي. لكن احنا عندنا فوضة في كل حاجة. اللي حصل يوم التوقيع كان صعب. فيه ناس في الوزارة قعدت شهور طويلة تقاتل عشان تحقيقه. مش عايزين الضيف لما ييجي ميبقاش دا الحدث الرئيسي.”

“إحنا عيِّنا الحدود بناء على قرار جمهوري سنة 90 اتحطت فيه النقط المساحية وتم اخطار الأمم المتحدة.. وأصرينا على عدم تغيير أي نقطة. طوال السنين اللي فاتت كلها مكناش نقدر نقوم بعمليات تنقيب. والتعيين من أقصى الجنوب حتى أقصى الشمال والشرق. كل الحدود البحرية بينا وبين السعودية تم تعيينها.”

“لما عيِّنا الحدود مع قبرص دا أتاح لنا التنقيب في الحدود الاقتصادية الخاصة بنا. وهنعمل تعيين للحدود مع اليونان. لما حقل زهر تم اكتشافه.. الرئيس القبرصي اتصل يهنئني. وقولتله وقتها لو فيه جزء من الحقل في مياه قبرص، دولتكم هتاخد حقّها.”

وأنهى حديثه في هذا الشأن: “أرجو إننا منتكلمش في الموضوع دا تاني. فيه برلمان انتوا اخترتوه وهو هيناقش الاتفاقية. لان مش معقول نكون متشككين في أجهزتنا وبرلمانا. سيبوا البرلمان يقرر.”

مقتل الشاب الإيطالي

كما انتقد السيسي طريقة التناول الإعلامي ومستخدمي مواقع التواصل الاجتماعي لقضية مقتل “ريجيني” قائلًا: “نحن من صنعنا الأزمة في هذه القضية.”

وأردف:”بمجرد ما تم الإعلان عن مقتل الشاب، فيه ناس مننا قالت إن اللي عمل كدا الأجهزة الامنية المصرية. وشبكات التواصل قالت كدا. فاللي متابع اللي بيحصل في مصر قال انتوا اللي اعترفتوا بقتله. وأنا طلبت من الجانب الإيطالي إن يبقى فيه عناصر من عندهم للمشاركة في التحقيق اللي بيقوده النائب العام. انتوا كمان مش واثقين في قضاء مصر؟ انتو حاجة صعبة أوي.. صعبة بجد.”

“أنا قولت وبقول  من جديد للإعلاميين إنكم طرف في الحفاظ على مصر وإنكم مسؤولين. وإعوا تكون مصادركم في الكلام هي شبكات التواصل الاجتماعي بس. أكيد طبعا محدش يقدر يحاسبك على توجهك أو افكارك. بس وانت بتفكر متئذيش بلدك.”

“قضية الشاب الإيطالي مهمة جدًا لأن العلاقات بين البلدين متميزة جدا. فالقيادة الإيطالية من أول يوم بعد 30 يونيو وقفت بجانب مصر.”

“ببساطة نحن من صنعنا مشكلة مقتل الشاب الايطالي بطريقة تناولنا لها.”

حقوق الانسان والإجراءات الأمنية

في هذا الشأن قال السيسي أن حقوق الإنسان لا تقتصر على حرية التعبير، لكن يجب أن تشمل الحق في تعليم وصحة ومسكن جيد. حق الإنسان في  وعي حقيقي. القضية قضية تقدم مصر بالعمل. فتقدم مصر مش بحرية التعبير بس لكن بالعمل والإخلاص.”

“إحنا بنضع أساس لدولة ديموقراطية حديثة. وأن ما ننجزه خطوة في مشوار طويل هياخد وقت عقبال ما ننتهي منه.”

وفي حديثه عن مدى تغول السلطة في الممارسات الأمنية قال: “بنحاول نعمل توازن بين الإجراءات الأمنية وحقوق الإنسان. وعلى مستوى الدولة ففيه جهد بيتعمل. واللي عايز يرفع السلاح ضدنا مش هنسيبه.”

منظمات المجتمع المدني

قال أيضًا أن السلطات أفرجت عن أربع دفعات من الشباب. “ومستعدين نراجع القوائم ونطلق سراح كل من هو بريء.”

إحنا بقالنا 22 شهر فقط. كل مؤسسات الدولة المصرية مكنش فيها رئيس ولا برلمان ولا دستور ودا تم انجازه.. زائد إن مكافحتنا للارهاب ماشية بشكل جيد حتى في سينا.”

مش حاسين بالإنجازات ليه؟ 

قال السيسي أن أزمة الكهرباء والغاز والبوتاجاز تم حلها. وأنه جاري علاج قصور البنية الأساسية.

“ومفيش استثمار هييجي من غير أمن واستقرار. وبنية اساسية متطورة. “

“في 25 أبريل هنفتتح مشاريع جديدة. ولن يحدث زيادة في الأسعار على الانسان البسيط. مهما تغير سعر الدولار. وفي السنتين الجايين 50% من قرى وريف مصر هنكون خلصنا فيهم الصرف الصحي.  وهناك 10 مصانع رخام هيتشغلوا في سينا. وأكبر مزرعة سمكية في كفر الشيخ. وتجمعات سكنية تتناسب مع طبيعة أهلنا في سينا.

كما تحدث عن النقابات وقال إنه يجب أن يكون لها دور بعيدًا عن السياسة.

انتخابات المحليات

قال أن على المصريين أن يختاروا الأفضل: “هاتوا الامناء والشرفاء والمخلصين عشان نعالج الفساد.”

الوسوم

مقالات ذات صلة

إغلاق