أخبار

فيديو| السيسي: ينفع واحد ياخد “استروكس” ويركب قطر!

قال إن "المدن الجديدة مش معمولة من ميزانية الدولة"

أكد الرئيس عبدالفتاح السيسي أن قانون الخدمة المدنية يتضمن مجموعة من الإجراءات لضبط الأداء قائلًا: “هو ينفع واحد ياخد استروكس ويركب القطر! يبقى صاروخ طاير على الأرض، ويفجر الدنيا ويضيع ولادنا وأهلنا اللي في المحطة، مش هنسمح وهنحاسب بالقانون، اللي وافق عليه مجلس الشعب”.

وأضاف، خلال كلمته في الندوة التثقيفية بمناسبة “يوم الشهيد”: “بقالنا 6 سنين بننزف الشهيد والمصابين، ومش جيش وشرطة بس، هو اللي تم استهدافهم في الكنائس ده مش دم، وفي مسجد الروضة، مش دم ولا إيه، وحادثة محطة مصر”.

وقال السيسي: “اللي بيتعاطى المخدرات يتم إنهاء خدمته فورا، والتحاليل اللي هتتعمل أمانة، وتطبق، ومانقولش عندهم أولاد، واللي ماتوا ماكانش عندهم أولاد وأهل! ومش بس السكة الحديد، على كل مرفق”.

وفي تعليق له عن تكلفة المدن الجديدة، قال السيسي: “كل المدن الجديدة مش معمولة من ميزانية الدولة.. إحنا بنحول الأراضي اللي مالهاش قيمة إلى أراضي ذات قيمة مرتفعة من خلال تطويرها، بما فيهم العاصمة الإدارية وغيرها”.

وعن أحداث محمد محمود في نوفمبر عام 2011 قال السيسي: “في هذه الفترة كنت مسؤولا عن المخابرات العسكرية أو الحربية، وعن الأجهزة الأمنية في ذلك الوقت، وأقول بثقة إنّنا لم نمس مصريا واحدا في هذه الفترة، لكن منذ دخول العناصر الإرهابية ولمدة 6 أيام كان هناك قتلى.. كان كل يوم منذ دخول هذه العناصر أمام وزارة الداخلية يسقط القتلى يوما بعد يوم، أكثر من 6 أيام مات فيها العشرات”.

وخاطب السيسي المصريين قائلًا: “يا ترى يا مصريين إنتم مصدقني ولا لأ.. هغشكم ليه هضحك عليكم ليه هضيعكوا ليه؟.. ما بحبكمش!”.

وفي تعليق له حول تطعيمات حملة “100 مليون صحة”، قال السيسي: “بقى إحنا نقدر نعمل كده في نفسينا؟ أعمل كده في ولادي؟ إحنا عملنا الحملة للتخفيف على أهلنا.. كنت متألم من فيروس سي وموجوع كمصري بيتألم لأهله وناسه”.

وقال السيسي، إن أرقام أجور العاملين فى القوات المسلحة والشرطة متواضعة لكل الضباط وضباط الصف والأمناء، مشيرا إلى أنهم لم يطلبوا زيادة مضيفا : أرقامهم متواضعة وطول عمرهم كده ومحدش طلب زيادة وبيتركوا ولادهم ومحرومين منهم.

 

مقالات ذات صلة

زر الذهاب إلى الأعلى