القاضي للمتهم: متقلقش وسيبها على الله
زحمة
بثت عدة قنوات تلفزيونية ومواقع على الانترنت، تسجيلا مصورا يظهر فيه المستشار مختار شلبي قاضي المحاكمة المعروفة إعلامية بمحاكمة “مغتصب الرضيعة”، وهو يتحدث إلي المتهم، ويسأله عن اعترافاته في النيابة.
وظهر القاضي خلال فيديو متداول وهو يسأل المتهم، هل قام بصلاة الجمعة يوم ارتكاب الحادثة، ثم يمازحه قائلًا “ده أكيد كان جامع بيخلص بدري اللي صليت فيه”.
ثم قال له “ربنا يسترها يا إبراهيم، السيد المسيح قال من كان منكم بلا خطيئة، فيعني الرحمة، يا إبراهيم، أنت تَبت إلي الله وندمت على اللي حصل، توبتك دي لو وزعت على أهل الأرض لوسعته، وتقابل ربنا نضيف”.
ثم أضاف “الله أعلم مين اللى هيموت الاول أنا ولا أنت، يا ابني سيبها لله ومتقلقش، أنت أمام قاضي يعتقد أنه يحكم بالعدل”.
وقال المتهم خلال الجلسة ” : «الكلام اللي قلته في تحقيقات النيابة صحيح، ودي كانت ساعة شيطان، وربنا يغفرلي، وأنا نادم على اللي حصل، وعايز أقابل ربنا وأنا تائب توبة نصوحة، وربنا يتقبل توبتي».
يذكر أن المحكمة أجلت القضية إلي جلسة 2 مايو المقبل مع استمرار حبس المتهم.
