سياسة, فيديو

السيسي في “إفطار الكمين”: اشتغل 7 أيام تعمل تلاتلاف جنيه (فيديو)

السيسي في “إفطار الكمين”: اشتغل 7 أيام تعمل تلاتلاف جنيه (فيديو)

تناول الرئيس عبد الفتاح السيسي وجبة الإفطار الرمضانية أمس الأربعاء مع أفراد أحد الأكمنة الأمنية في القاهرة، وتبادل الرئيس أطراف الحديث مع أفراد الكمين الأمني، وحيّاهم على دورهم، قائلا إن مهمتهم ليست بسيطة وإنها سبب الأمان الذي ينعم به الناس في الشوارع

وسأل الرئيس أحد أفراد الكمين عن وظيفته الأصلية فأجابه بأنه “عامل”، فسأله عن الأجر الذي يتقاضاه، فقال : 100 جنيه في اليوم وأضاف إنه يعمل 4 أو خمسة أيام في الأسبوع

فقال  الرئيس له: يومين راحة كتير على السن بتاعك، في سنك لازم تشتغل  7 أيام في الأسبوع، يعني تعمل 3 آلاف جنيه في الشهر، وبعدين ارتاح، مش في السن ده

وسأل الرئيس أفراد الكمين عن تدخينهم للسجائر، وحذرهم منها، وقال: المسلسلات مطلعة الضباط كلها بتدخن، معقول ضباط ويدخنوا؟. وسأل أحد أفراد الكمين : بتجيب علبة السجاير بكام؟ فأجابه: 18 جنيه

فقال الرئيس: تخيل الناس يشوفوا واحد ماسك في إيده 10 جنيه وبيولع فيها، هايقولوا عليه إيه؟ اهو انت لما تدخن بتعمل كده

وصافح الرئيس أفراد الكمين بعد تناول الإفطار والتقط  الصور التذكارية معهم قبل مغادرته

 

///
  • Share:
  • Facebook
  • Twitter
  • Linkedin
  • Google+